नेपाल मगर संघ जापान क्षेत्रीय समिति कान्तोद्वारा माघे संक्रान्ति विशेष ‘२४ औं लाङघाली साँझ २०२०’ को निम्तो

नेपाल मगर संघ जापान क्षेत्रीय समिति कान्तोले माघे संक्रान्ति विशेष ‘२४ औं लाङघाली साँझ २०२०’ को आयोजना गर्ने भएको छ। मगर सामुदायको नयॉं ब...

नेपाल मगर संघ जापान क्षेत्रीय समिति कान्तोले माघे संक्रान्ति विशेष ‘२४ औं लाङघाली साँझ २०२०’ को आयोजना गर्ने भएको छ।

मगर सामुदायको नयॉं बर्ष "मिनाम सार ल्हेस" को अवसर पारेर मगर संघ क्षेत्रीय समिति कान्तोले जनवरी १९ तारिख आइतबारका दिन माघे संक्रान्ति विशेष ‘२४ औं लाङघाली साँझ २०२०’ आयोजना गर्ने भएको हो।

उक्त विशेष सांस्कृतिक कार्यक्रममा ख्याती प्राप्त कलाकारहरुको सहभागिता रहने संघका अध्यक्ष रित रानाले जानकारी दिनुभयो । कार्यक्रममा मगर चलचित्रका नायक/गायक तथा मोडल रमेश बाबु थापा मगर, गायिका मैना मगर, लोकदोहोरी गायक चेतन घर्तीमगर, भ्वाईस अफ नेपाल २ का प्रतियोगी कुमार गुरुङ (काले भाई) तथा स्थानीय कलाकारहरुको बेजोड प्रस्तृती रहने भएको छ । जापानमा रहेका नेपालीहरुबीच शुभकामना आदानप्रदान गर्ने र भाइचारा वृद्धि गर्ने र प्रवासी भूमीमा रहेर मगर जातिको भाषा, कला, भेष, भुषा र सँस्कृतिलाई जगेर्ना गर्ने मुख्य उद्देश्यका साथ कार्यक्रम गर्न लागिएको हो भने उक्त कार्यक्रमलाई नेपाल मगर संघ जापान केन्द्रिय समिति टोकियोको पुर्ण सहयोग रहेको बताईएको छ । सो कार्यक्रममा उपस्थित भईदिन जापानबासी नेपालीहरुलाई नेपाल मगर संघ जापान क्षेत्रीय समिति कान्तोले अनुरोध गरेको छ।