जापानको न्याय तथा रोजगार मन्त्रालयको अग्रसरता र अन्य मन्त्रालयसंग कोअर्डिनेसन गरेर हालै अनलाइन प्रकाशन गरिएको पोर्टल “ A DAILY LIFE SUP...
जापानको न्याय तथा रोजगार मन्त्रालयको अग्रसरता र अन्य मन्त्रालयसंग कोअर्डिनेसन गरेर हालै अनलाइन प्रकाशन गरिएको पोर्टल “A DAILY LIFE SUPPORT PORTAL FOR FOREIGN NATIONALS (外国人生活支援ポータルサイト) “http://www.moj.go.jp/ nyuukokukanri/ kouhou/ nyuukokukanri10_ 00055.html” ले जापानमा अध्यायन र रोगजारको सिलसिलामा बसोबास गर्ने बहुसंख्यक बिदेशीहरुको भाषाहरुमा सूचना दिन खोजेको छ। यसमा भाषागत बिषय भन्दा पनि जापान भित्र आगमन गरेर बसोबास गर्नका लागि के कस्तो औपचारिक तयारी गर्नुपर्छ भन्ने पूर्व सूचना दिने कार्यालयका विधि तथा नियमलाई ब्यवहारिक ढंगले बुझाउँने प्रयास गरिएको छ।
जापानमा आउन साथ मलाई पनि केही यस्ता कुराहरुको खड्को महशुस भएको कुरा संझना दिलाउँछ। जापानीज परिवारसंगै बसोबास शुरुवात गर्ने मौका पाएतापनि कतिपय कुराहरु स्वावलम्बी हिसाबले गर्न सकियोस् भन्ने मेरो बिचारलाई यो परिस्थितले धेरै ठेस पुगेको थियो। त्यस्तै भेटघाटको क्रममा भर्खर जापान आएका नेपालीमूलका र अन्य बिदेशीहरुले जापानका औपचारिक तथा ब्यवहारिक बिधि बारे कौतुहलता राख्ने गरेका थिए। जापानका भाषिक तथा सांस्कृतिक बनोवट अन्य धेरै देशहरुको तुलनामा केही जटिल हुने गरेको हुनाले धेरै बिदेशीहरु यि कुराहरुबाट बञ्चित हुनेगरेका छन्। यसरी मुख्य अन्य बिदेशी भाषाहरुमा “बसोबास तथा दैनिक रोजगार बारे निर्देशिका” प्रकासनमा आउँनुले यो बारे पूर्व अभिमुखिकरण ज्ञान सम्बन्धित ब्यक्तिले पाउँन सक्ने छन्।
नेपाली भाषामा प्रकाशन भएको सानो पोर्टलसाइट “http://www.moj.go.jp/ nyuukokukanri/ kouhou/nyuukokukanri15_00017.html” बाट “जापानमा बसोबास तथा रोजगार बारे निर्देशिका” पिडिएफ फाइल डाउनलोड गर्न सकिने छ। यो बाहेक कोभिड-19 संक्रामण, प्राकृतिक प्रकोपको चेतावानी, नयाँ सूचना तथा नीति नियम बारे पनि जानकारी दिइएको छ। नेपाली भाषामा लेखिएको पिडिएफका केही शब्दावलीहरु गुगल अनुवाद जस्तो अस्पष्टता देखिएता पनि यसको मर्मलाई केलाएर शुद्धाशुद्धी गरी बुझ्ने हो भने जापानमा अध्यायन, रोजगार, ब्यापार आदि उदेश्यका लागि बसोबाँस गर्नेहरुको लागि आधारभूत ज्ञानको स्रोत सावित हुने तथ्यलाई नकार्न मिल्दैन।
छत्र मगर
Chhatra_magar@hotmail.com
फोटोहरु स्रोतसंग सम्बन्धित छन्
Chhatra_magar@hotmail.com
फोटोहरु स्रोतसंग सम्बन्धित छन्
No comments
तपाईको बहुमूल्य बिचार शेयर गर्नुहोस्